PROEKTIN ÇALIŞMASI: ÇÖŞMÄ KÜÜYÜNDÄ İKİ ENİ TÜRKÜ HEM MAANİ İŞİTTİK

Kasımın 29-30 günnerindä “Gagauzların kayıp olan dilinin hem kultura adetlerinin Moldovada korunması” Proektı Valkaneştä hem Valkaneş rayonun Ütülü hem Çöşmä küülerindä çalıştı.

Proekt çerçevesindä bu küülerin insannarınnan buluşarak, gagauz kulturasının, folklorunun hem istoriyasının zenginniinä eni sayfalar yazdık.

Çöşmä küüyündä işittik hem yazdık iki eni türkü hem maani. Ütülü küüyündä hem Valkaneştä sa eni cümbüşlär hem fıkralar topladık.

PATRETTÄ: Çöşmä küüyündä respondentımız, valkaneşliyka Aleksandra Petrovna PETRİOGLU.